Poslovne vesti - Makedonija

„Макпрогрес“ инвестира 3 милиони евра

Прехранбената компанија „Макпрогрес“ од Виница инвестира 3 милиони евра во две нови производствени линии за производство на слатки и на солени кондиторски производи.

Со ова производственото портфолио на „Макпрогрес“ се збогати за нови 35 производи и дополнителни 4.000 тони готов производ годишно, соопшти компанијата.

Инвестицијата отвора нови 100 вработувања, па компанијата денес има над 320 вработени. „Макпрогрес“ на странските пазари пласира над 75 отсто од годишното производство на слатките „винчини“ и зрнестите и прашкастите производи под брендот „сончева долина“ и најновата линија на солени кондиторски производи „армониа“. Компанијата, со целосно домашен капитал, годинава прославува 20 години постоење.